+13 °С
Болытлы

Барлык яңалыклар

14 сентябрь 2019, 01:23

ОНЫТЫЛМАС АВЫЛЫМ ГОМЕРГӘ

Авылымның чишмәсенә килеп,

Карап торам сулар агышын.

Салкын суын эчеп йөрәгемнең,

Басып булыр микән сагышын.

Сагыш дигән булам да соң үзем,

Нәрсә соң ул сагыш, кем белә?

Татлымы ул, әллә бик авырмы,

Нигә соң ул йөрәкне телә?

Ник кешеләр генә моңсулана,

Сагышлана, яна, ярата?

Ә кичерешләр һәм тойгылар сүнсә,

Ничек яшәр кеше дөньяда?

Әллә нинди уйлар башка килә,

Күңелемдә бушлык, юксыну.

Аңлый алмыйм һаман, ни өчен соң,

Кош баласы кебек талпыну?

Чишмә, су агышы, әрәмәлек

Күңелемә якын һәм таныш.

Ә шулай да нидер җитми сымак

Йөрәгемдә һаман шул сагыш.

Бу сагышым сагыну сагышы бит

Балачакны, мәктәп елларын.

Сагыну бу үткән яшьлегемнең

Назлап искән йомшак җилләрен.

Бу сагыну туган авылымны,

Дусларымны өзелеп сагыну.

Бу сагыну әткәй-әнкәемне,

Менә нидән икән талпыну!

Сихри матурлыктан мин исерәм,

Тынычлана ахры күңелем.

Су агышы кебек әкрен генә,

Үтә сымак минем гомерем.

Менә шулай Чулпаныма килеп,

Дәва алам һәрчак күңелгә.

Киләчәккә карап яшәсәм дә,

Онытмам сине авылым гомергә.

Фирдат ВӘЛИЕВ. Иске Теләүле авылы.

Читайте нас:

Свидетельство о регистрации СМИ: ПИ № ТУ02-01353 от 10.07.2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан.

"ШАРАН КИҢЛЕКЛӘРЕ" Общественно-политическая газета. Главный редактор: Хамадеева Миляуша Фанировна

Телефон

8 (34769) 2-14-08

Электрон почта

[email protected]

Адресы

452630, РБ, Шаранский район, с. Шаран, ул. Центральная, 14

Реклама хезмәте

8 (34769) 2-24-09

Редакция

8 (34769) 2-14-08

Кабул итү бүлмәсе

8 (34769) 2-14-08

Хезмәттәшлек

8 (34769) 2-14-08

Кадрлар бүлеге

8 (34769) 2-14-08