Район үзәгендә балалар мәйданчыгы ачылды

Шаран авылның туган көнен бәйрәм итүгә, балалар мәйданчыгы һәм яңартылган бертуган Звездиннар скверы ачылуга багышланган чара булды

Муниципаль район хакимияте башлыгы урынбасарлары А. Б. Минлин һәм А. И. Габдуллин, район ветераннар советы рәисе М. Р. Сәетов, район мәдәният йорты директоры Р. М. Якупова, Шаран авыл Советы авыл биләмәсе башлыгы Г. Е. Мөхәммәтов, “Мастер” җәмгыяте директоры Ф. Ф. Мөхәметдинов бәйрәмнең почетлы кунаклары булдылар.

Чара Наталья Кадыйрованың музыкаль чыгышы белән башланып китте.

Яңартылган бертуган Звездиннар скверын һәм балалар мәйданчыгын тантаналы ачу хокукы А. Б. Минлин, А. И. Габдуллин, Г. Е. Мөхәммәтов һәм Ф. Ф. Мөхәметдиновка бирелде.

Шаран авыл Советы авыл биләмәсе башлыгы Г. Е. Мөхәммәтов үз чыгышында Шаран авылының үсеше, суүткәргеч, урам юллары, шулай ук “Уңайлы шәһәр мохите” федераль программасы кысаларында үзәк мәйданда, “Кайгылы ана” мемориаль комплексында, бертуган Звездиннар скверында ремонт эшләре үткәрү һәм балалар мәйданчыгы төзү турында сөйләде. Геннадий Евгеньевич шулай ук ремонт һәм төзелеш эшләрендә катнашучыларга рәхмәт белдерде һәм Шаран халкын авылга нигез салынуның 268 еллыгы белән котлады. Берничә кеше – алар төзелеш оешмалары җитәкчеләре, муниципаль район хакимияте вәкилләре – Шаран авыл Советы авыл биләмәсе хакимияте рәхмәт хатларына лаек булдылар.

“Мастер” җәмгыяте директоры Ф. Ф. Мөхәметдинов авыл халкын хәрби техника мәйданчыгында, ял итү сукмаклары һәм балалар мәйданчыгында йөргәндә пөхтә булырга, чүп-чар ыргытмаска һәм милекне сакларга чакырды.

Муниципаль район хакимияте башлыгының социаль мәсьәләләр буенча урынбасары А. И. Габдуллин Шаран авылы халкын бәйрәм һәм район үзәге үсешендәге әһәмиятле вакыйга белән котлады һәм Шаран авылы балалар иҗаты һәм спорт үзәгенең өстәмә белем бирү педагоглары һәм тренерларына БР Яшьләр сәясәте һәм спорт министрлыгы рәхмәт хатлары тапшырды, балалар иҗаты һәм спорт үзәгенең тхэквондо буенча тренеры Р. Х. Идиятов БР Яшьләр сәясәте һәм спорт министрлыгы Мактау грамотасы белән бүләкләнде. Муниципаль район хакимиятенең физик культура, спорт һәм туризм буенча баш белгече Ф. Ә. Абдрахманова барысын да Шаран көне һәм Физкультурачылар көне белән котлады һәм тхэквондо (тренер Р. Х. Идиятов – иң зур төркем), баскетбол (тренер А. Н. Галиева) һәм билбауда көрәш (тренер А. С. Хөсәенов) буенча республика һәм зона ярышлары призерларына муниципаль район хакимияте һәм Шаран авылы балалар иҗаты һәм спорт үзәге мактау грамоталары тапшырды.

Кунакларның чыгышлары һәм бүләкләүләр арасында Виталий Мустаев, Алия Төхвәтуллина һәм Ләйсән Әсмандиярова музыкаль номерлар белән чыгыш ясадылар.

Чара ахырында Ф. Ә. Абдрахманова һәм Шаран авылы балалар иҗаты һәм спорт үзәге педагоглары балалар белән төрле уеннар үткәрделәр.

Балалар мәйданчыгына әниләре һәм дәү әниләре белән килгән кечкенә балалар рәхәтләнеп уйнадылар, ә зурраклары таганнарда атындылар, велосипедлар һәм самокатларда йөрделәр.

Маргарита ӘХМӘТОВА.

Кызыл тасманы кисү моменты.

Республика һәм зона ярышлары призерлары.