-16 °С
Болытлы
Барлык яңалыклар
ХАЛЫК ОСТАЛАРЫ
30 сентябрь 2019, 14:22

КӨЗ

КӨЗ

КӨЗ
Сагышларыма түзәлми, килдем әле,
Икәү учак яккан урынга.
Күз алдымда йөри синең сының,
Учак урынында көл генә.
Көзге җилгә ачынып шаулый урман,
Коелалар сары яфраклар.
Кыр казлары саубуллашып китә,
Озатып кала кызыл офыклар.
Көзләр җитте, алда озын кышлар,
Күңел ярсып көтә язларны.
Язлар саен кабатланса иде,
Бергә узган яшьлек еллары.
Сине бик еш төшләремдә күрәм,
Адашамын күк томаннарда.
Тибешеннән туктап ала йөрәк,
Өзгәләнәм алсу таңнарда.
Учак урынында көлләр генә,
Очып уйный искән җилләрдә,
Вакыт үтә, гомер көзе җитә,
Кайтып булмый үткән көннәргә.
Вәзидә ӘХТӘРИЕВА. Тархан авылы.
Читайте нас в