-16 °С
Болытлы
Барлык яңалыклар
Новости
31 Май 2021, 09:16

Фәндәге яңалыклар халыкка хезмәт итәчәк

Евразия фәнни-мәгариф үзәге быелга 128 миллион сум күләмендә федераль грант алды.Мондый карарны Фәнни-белем бирү үзәкләре советы утырышында кабул иттеләр, аны Русия Хөкүмәте Рәисе урынбасары Дмитрий Чернышенко үткәрде. #национальныепроекты #нацпроекты #региональныепроекты#регпроекты #нацпроектыБашкортостан

Евразия фәнни-мәгариф үзәге быелга 128 миллион сум күләмендә федераль грант алды.

Мондый карарны Фәнни-белем бирү үзәкләре советы утырышында кабул иттеләр, аны Русия Хөкүмәте Рәисе урынбасары Дмитрий Чернышенко үткәрде.

2020 елның декабрендә федераль статус алган Евразия фәнни-тикшеренү үзәге эшенең беренче нәтиҗәләре турында Башкортстан Башлыгы Радий Хәбиров сөйләде.

— Без 10 комплекслы технологик проектка нигезләнә торган дүрт юнәлешне сайладык. Билгеле бер казанышлар бар инде, - диде ул. - «Алдынгы җитештерү технологияләре һәм инжиниринг» юнәлеше буенча Уфа авиация университеты һәм Үзәк авиация моторлар төзү институты командасы югары әйләнешле электр генераторы булдырды.

2020 елның 21 декабрендә "ПД-14" двигательле "МС-21" авиалайнерының беренче очышы булды. УДАТУ галимнәре "ПД-14" проектына үз өлешләрен кертте: титан алюминидыннан инновацион көрәкләр, монотәгәрмәч һәм киң кордлы көрәкләр ясау технологияләре эшләнде.

Бу юнәлеш буенча икенче проект – 25 МВт куәтле "АЛ-41СТ" газ турбинасы двигателе базасында газ эшкәртү агрегаты. «ОДК-УМПО» инженерлары һәм республика галимнәре ярдәмендә авиациядә кулланыла торган хәрби двигательләр тыныч тормышта яңа перспективаларга ирешә.

«Биомедицина һәм генетика» юнәлеше буенча сөт бизенең яман шешенең төрле төрләренә бәйле 192 ген идентификацияләнгән. Бу мондый яман шеш һәм аны дәвалау өчен мишень барлыкка килүнең барлык төп сәбәпләрен ачыкларга мөмкинлек бирә. Эш Германия, Канада, Израиль, Бөекбритания, Япониядән килгән милли-мәдәни автономияләрнең партнерлары белән башкарылган.

Шулай ук, без медицина университеты базасында офтальмология кластерын Уфа күз авырулары фәнни-тикшеренү институты һәм «Аллоплант» федераль үзәге ресурсларын берләштерү аша формалаштырабыз. Уфа үзәгендә фәнни белем бирү үзәге кампусын булдыру өчен урын билгеләдек, дип хәбәр итәсем килә. Моннан тыш, без IQ-паркка (бу - 32 мең квадрат метрлы мәйдан) һәм ике прототиплаштыру үзәгенә тапшырабыз. Ягъни без тикшеренүләр өчен куәтле база булдырабыз.

Белешмә:
Дөнья дәрәҗәсендәге 15 фәнни-мәгариф үзәгеннән торган челтәр булдыру планнары Русия Президенты Владимир Путинның май указында чагылдырылган һәм «Фән» гомумдәүләт проекты бурычларының берсе булып тора. Ул илдәге 20 төбәктә 10 ай эшли инде.

Фото: "Башинформ"
Читайте нас в