Башкортстан балы Франциягә китте

Франциянең Марсель шәһәренә бер тоннадан артык башкорт балы озатканнар.

Төбәктәге “Россельхознадзор” матбугат хезмәтеннән хәбәр итүләренчә, Франциягә бал озату соңгы елларда беренче тапкыр оештырылган. Экспортка хокук алу өчен Башкортстан предприятиесе сертификациянең барлык кирәкле процедураларын үткән һәм «Цербер» экспортерлар реестрына кертелгән.

"Йөк төяп озатыр алдыннан гомум авырлыгы 1020 килограмм булган барлык партия тикшерелде, ә алынган бал үрнәкләре лаборатор тикшеренүләр үтте. Әлеге тикшеренүләр нәтиҗәләре буенча татлы продукциягә 5G формасындагы экспорт ветеринария сертификаты һәм ЕС сертификаты тапшырылды», — дип хәбәр иттеләр ведомствода.

Балны самолет белән җибәргәннәр.

Фото: Яндекс Новости

Чыганак: https://kiziltan.ru/