Җиңү язын якынайттылар

Наратасты мәктәбендә “1941 – 1945 елларда Бөек Ватан сугышында Җиңүнең 75 еллыгы” юбилей медальләрен тапшыру тантанасы булдыӘлеге медальләргә Шаран авыл Советы авыл биләмәсе территориясендә яшәүче тыл ветераннары лаек булды, алар авыр сугыш елларында үзләренең батыр хезмәтләре белән Бөек Җиңүне якынайталар. Вакыт үзенекен итә, аларның күбесе юбилей медальләре тапшыру тантанасына килә алмады. Алар Наратасты авылыннан М. Г. Арсланова, Ш. Ф. Гыйниятуллин, М. П. Сорокина, Шаран авылыннан А. Х. Кәримова, Л. С. Лаптев, А. Н. Митрофанова, Н. Ф. Ханов, Ш. М. Шәфыйкова, А. Л. Шумаева. Аларга медальләрне өйләрендә тапшырдылар.