-16 °С
Болытлы
Барлык яңалыклар
Спорт
19 февраль 2020, 13:27

Бөтен гаилә белән шахмат уйныйбыз

Шаран районының 85 еллыгына багышланган гаилә шахмат турниры узган атнаның якты вакыйгасы булдыШаран авылы балалар иҗаты һәм спорт үзәге турнирда катнашучыларны һәм акыл уены белән кызыксынган 21 гаиләне (42 катнашучыны) ишекләрен киң ачып, якты каршы алды.

Шаран районының 85 еллыгына багышланган гаилә шахмат турниры узган атнаның якты вакыйгасы булды
Шаран авылы балалар иҗаты һәм спорт үзәге турнирда катнашучыларны һәм акыл уены белән кызыксынган 21 гаиләне (42 катнашучыны) ишекләрен киң ачып, якты каршы алды. Һәр командада икешәр катнашучы иде, аларның берсе 2006 елда туган һәм аннан да яшьрәк, 1нче тактада уйнады һәм команда капитаны булып торды. Турнирның ачылу тантанасында “Вокал” берләшмәсе җитәкчесе Н. П. Кадыйрова тәрбияләнүчеләре белән чыгыш ясады. Турнирда катнашучыларны Шаран авылы балалар иҗаты һәм спорт үзәге өстәмә белем бирү педагогы Р. Х. Идиятов сәламләде. Өстәмә белем бирү педагогы К. М. Биккинина очрашуда катнашучыларны котлады, шахмат турниры кагыйдәләрен хәтерләренә төшерде, алда торган уеннарда уңышлар һәм җиңү теләде.
Турнир йөрүгә 10 минут + 5 секунд вакыт контроле белән түгәрәк системасы буенча үткәрелде. Е. А. Асмаева һәм З. Ф. Идиятова составындагы судьялар командасы турнир барышын җентекле күзәтеп барды. Баш судья Н. Ф. Солтанов бәхәсле мәсьәләләрне хәл итте. Җанатарлар урыннарда утырып тормадылар – рәтләр арасында йөрделәр һәм уен барышын күзәттеләр. Спорт ярышы сәламәт һәм яхшы атмосферада үтте. Монда “Спортчының бурычы – тренировкалар һәм җиңү, әти-әнинең бурычы – ярдәм итү һәм комачауламау” принцибы эшләмәвен тануы бик дулкынландыргыч булды. Әти-әниләргә күләгәдән чыгарга, баласы белән бергә гомуми нәтиҗә өчен ярышырга, җиңү тәмен яки җиңелү ачысын тоярга кирәк иде.
Киеренке көрәш нәтиҗәсендә, 30 очко җыеп, беренче урынны өч команда – 2 санлы Шаран мәктәбеннән Мәүлиткуловлар, 1 санлы Шаран мәктәбеннән Никитиннар һәм Три Ключа мәктәбеннән Сайдяковлар гаиләләре яулады. А. Кондратьев исемендәге Дүртөйле мәктәбеннән Гарифуллиннар һәм Три Ключа мәктәбеннән Наимовлар гаиләләре, 25 очко җыеп, икенче урынга чыктылар. Өченче урында - Наратасты мәктәбеннән Шакировлар һәм Яңа Юмаш мәктәбеннән Яковлевлар гаиләләре. Барлык катнашучылар грамоталар, ә җиңүчеләр – истәлекле бүләкләр белән бүләкләнделәр.
Шахматчыларны җылы кабул иткән өчен Шаран авылы балалар иҗаты һәм спорт үзәге директоры С. М. Хөсәеновка, матур чара оештырганы өчен педагог К. М. Биккининага барлык катнашучылар исеменнән рәхмәт белдерәм.
Е. АСМАЕВА, Шаран авылы балалар иҗаты һәм спорт үзәге педагогы.

Читайте нас в