-16 °С
Болытлы
Барлык яңалыклар
Спорт
20 март 2020, 14:13

Туризм спортын үстерү кирәк

Район туристлар слеты яшь спортчыларны җыйдыИске Томбагыш авылында гадәттәгечә һәр елны район туристлар слеты үтә. Быел да мәктәп командалары табигатьтә булуны кулдан ычкындырмадылар.Район гомум белем бирү учреждениеләре укучылары арасында җәяүле дистанцияләрдә спорт туризмы буенча ярышларны Шаран авылы балалар иҗаты һәм спорт үзәге оештырды.

Район туристлар слеты яшь спортчыларны җыйды
Иске Томбагыш авылында гадәттәгечә һәр елны район туристлар слеты үтә. Быел да мәктәп командалары табигатьтә булуны кулдан ычкындырмадылар.
Район гомум белем бирү учреждениеләре укучылары арасында җәяүле дистанцияләрдә спорт туризмы буенча ярышларны Шаран авылы балалар иҗаты һәм спорт үзәге оештырды.
Туристлар слетының баш судьясы Д. А. Сәлимгәрәев сүзләренчә, туризм балаларда сәламәт яшәү рәвеше булдыра, аларның рухи һәм әхлакый үсешенә ярдәм итә.
Катнашучыларга 5 этаптан торган дистанцияне үтү бурычы куелды. Дистанция ахырында параллель култыксалар буенча кичү, шулай ук страховка белән текә ярдан төшү кирәк иде. Болар барысы да вакытка үтәлде, биремнәрне дөрес үтәү бәяләнде.
Укучылар дистанцияне җиңел үттеләр, бер генә катнашучы да ярышлардан чыгарылмады, барысы да финишка килделәр.
Нәтиҗәләрне исәпләүдә яңа алым туристлар слетының үзенчәлеге булып торды: шәхси зачет булды, һәм инде команда нәтиҗәсе исәпләнмәде.
Гомуми зачетта 2 санлы Шаран мәктәбе командасы җиңде, Акбарыс мәктәбе командасы 2 урынны алды, Түбән Ташлы һәм И. Абдуллин исемендәге Зирекле мәктәбе командалары 3 урынны алдылар.
Кызлар арасында шәхси зачетта 2 санлы Шаран мәктәбеннән Анна Кокунина 1 урынны яулады, 2 урында Акбарыс мәктәбеннән Азалия Гәрәева, 3 урында – И. Абдуллин исемендәге Зирекле мәктәбеннән Карина Шәйморатова.
Малайлар төркемендә шәхси зачетта 1 урынны 2 санлы Шаран мәктәбеннән Артур Янгиров яулады, Акбарыс мәктәбеннән Артем Урсаев 2 урынны, Сергей Звездин 3 урынны алдылар.
Туристлар слетында катнашучыларны лаеклы каршы алган өчен Иске Томбагыш мәктәбе педагогы А. М. Илгуҗинга рәхмәт белдерәбез, шулай ук мәктәп ашханәсендәге туклыклы көндезге аш та бик тәмле булды.
Л. ХӘКИМОВА, Шаран авылы балалар иҗаты һәм спорт үзәгенең спорт буенча методисты.
Фотода: ярышлардан күренешләр.
Читайте нас в