Яңарып һәм яшәреп ишекләрен ачачак

Русия президенты Владимир Путин кушуы буенча эшләүче "Мәдәният" милли проекты булышлыгында Күгәрчен үзәк район китапханәсе бинасына капиталь ремонт үткәрелә.

Бүген анда эшләр ахырына якынлашып килә.
БР мәдәният министрлыгы белдерүенчә, федераль һәм республика бюджетлары исәбенә заманча җиһаз-корылмалар, әдәбият сатып алынган.

Ремонт кичерүче мәдәният йортында эшләр 85 процентка тәмамланган. Бер үк вакытта китапханә территориясе төзекләндерелә. Эшләр июль урталарында тәмамланырга тиеш.