Нефтекамада сөт кухнясы ачылды

Нефтекама халкы өчен күптән көтелгән вакыйга - сөт кухнясын ачу тантанасы булды. Бу Башкортстанда Владимир Путинның май указын үтәү максатында «Демография» гомумдәүләт проекты кысаларында гамәлгә ашырылды.Сөт кухнясы 6 айдан өч яшькә кадәр балаларны бары тик урындагы чималдан гына җитештерелгән, сыйфатлы продукция белән түләүсез тәэмин итәчәк. Продукцияне куллану географиясе киң, Нефтекамадан тыш, сөт белән Агыйдел, Дүртөйле, Янавыл һәм Бөре районнары тәэмин ителәчәк. - Бүген бездә, чыннан да, бик мөһим вакыйга, без иске традицияләрне торгызабыз, чөнки балалар сәламәтлеге, беренче чиратта, аларның ашавына турыдан-туры бәйле. Биредә дүрт төр продукция чыгарылачак, - дип билгеләп үтте Башкортстанның Сәүдә һәм кулланучылар хокукларын яклау буенча дәүләт комитеты рәисе Алексей Гусев. #национальныепроекты; #нацпроекты; #региональныепроекты; #регпроекты; #нацпроектыБашкортостан