Башкортстаннан 200 кеше Краснодар краенда ял итәчәк

Русия Президенты Владимир Путинның май указын гамәлгә ашыру максатында тәкъдим ителгән “Сәламәтлек саклау” гомумдәүләт проекты ярдәмендә Башкортстанда башкарылучы эшләр бихисап.Социаль страховка фондының Башкортстан Республикасы буенча төбәк бүлекчәсе 3 февральдә үткәреләчәк аукционда дәүләт социаль ярдәмен алучы гражданнарны шифаханә-курортларда дәвалау буенча хезмәт күрсәтүчеләрне сайлап алачак.Контрактның башлангыч бәясе — 5,2 миллион сум. Бу суммага 21 көнлек 200 юллама сату күз уңында тотыла. Финанслау — федераль бюджеттан.Сәламәтлек сагында торучыларның сулыш органнары, кан әйләнеше, нерв системалары, сөяк-мускул системасы һәм тоташтыргыч тукыма, күзләрне дәвалау профильләре буенча эшләргә тиешлеге мәҗбүри. Шифаханәләр Краснодар крае территориясендә һәм Сочи курортларында урнашырга тиеш.Фото: "Башинформ" агентлыгыАвтор: Зөһрә ИсламоваЧыганак: https://kiziltan.rbsmi.ru/articles/nacproekty/Bashkortstannan-200-keshe-Krasnodar-kraenda-yal-it-ch-k-87609/