Мәдәният министрлыгы конкурс игълан итте

23 марттан киләсе елда муниципаль модель китапханәләрен төзүгә конкурс нигезендә сайлап алу өчен гаризалар кабул ителә башлый. Гаризалар 9 апрельгә кадәр кабул ителәчәк. Модель китапханәләрен булдыру проекты Русия Президенты Владимир Путинның май указлары буенча эшләнгән "Мәдәният" милли проектына керә. Масштаблы проектның максаты хезмәт күрсәтү сыйфатын арттыру, китапханәләр фондын арттыру, аларны интернетка керүне тәэмин итү, шулай ук заманча китапханәләр эшчәнлеген булдыру. Башкорстанда, 2019 елгы конкурс сайлавында катнашу нәтиҗәсендә, өч модель китапханә барлыкка киләчәк. Алар Благовар, Дүртөйле һәм Туймазы районнарында булдырылачак. Аларны булдыру өчен республика федераль бюджеттан 20 млн сум акча алачак. Модель китапханәләрне булдыру укучыларны заман матбугатының цифрлаштырылган ресурсларына, фән һәм сәнгать мәгълүмат ресурсларына керүне тәэмин итәчәк. Моннан тыш, заманча китапханәдә дискуссия клублары, түгәрәкләр һәм консультация пунктлары эше, шулай ук төрле яшьтәге кешеләр өчен даими рәвештә төрле мәдәни-агарту чаралары уздыру күздә тотыла.Автор : Фаткуллин Рәдиф Фото: БашинформЧыгаганк: https://omet-rb.rbsmi.ru/articles/milli-proektlar/M-d-niyat-ministrligi-konkurs-iglan-itte-99188/