Кино сәнгатенә яңа мөмкинлекләр ачыла

"Мәдәният" гомумдәүләт проекты тарафыннан куелган бурычларны үтәү максатында Уфада 4-5 июльдә «ЛайфСтайлСинема» Халыкара кинофестивале узачак. Аның оештыручылары булып Мостай Кәрим исемендәге Милли яшьләр театры һәм киноактриса, режиссер һәм продюсер Эльвира Шрайнер чыгыш ясый.

"Бу - яңа мәйданчык, анда һәр катнашучы үз проектларын тәкъдим итә һәм яңа кино эшләрен гамәлгә ашыру өчен иганәчеләр һәм партнерлар таба алачак«, — дип хәбәр итте Эльвира Шрайнер "Башинформ" агентлыгына.

Фестивальдә һөнәри һәм һөнәри булмаган кинематографчылар, бәйсез киностудияләр, яшьләр һәм мәктәп кино- видео студияләре, кино һәм видео сәнгате белән шөгыльләнүче аерым физик берәмлекләр; иҗтимагый эшчәнлек белән шөгыльләнүче коммерцияле булмаган оешмалар; муниципаль оешмалар; югары уку йортлары студентлары, иҗади һәм башка юнәлештә эшләүчеләр дә катнаша ала.

Фестиваль программасына конкурс, конкурстан тыш программалар, махсус ретроспектив программа (кинематографның беренче фильмнарын күрсәтү), осталык дәресләре һәм мәгълүмати чаралар керә.

Конкурска гаризалар 2020 елның 15 июненә кадәр кабул ителә. Тулырак мәгълүматны https://vk.com/lifestylecinema сылтамасы буенча белергә мөмкин.

Фото:bashinform.ru

Автор: Резида Валитова