Республика онкодиспансерында булдылар

30 майда Русия Федерациясе Сәламәтлек саклау министры Михаил Мурашко һәм Башкортстан Башлыгы Радий Хәбиров Республика клиник онкология диспансерына килеп киттеләр.

Алар онкоүзәк бүлекләренең эше белән таныштылар, «Сәламәтлек» милли проекты кысаларында килгән югары технологияле җиһазларны карадылар. Бу, аерым алганда, укытуның иң заманча методикаларын, шул исәптән стереотаксик радиохирургия һәм радиотерапияне кулланырга мөмкинлек бирә торган киңәйтелгән комплектациянең линия тизләткечләре. Бу аппаратлар нур терапиясенең югары тизлеген, төгәллеген һәм югары үткәрү сәләтен тәэмин итәләр һәм онкологик авыруларга ярдәм күрсәтүнең сыйфатын арттыралар.

Республиканың баш радиологы, профессор Фәһим Мофазалов, онкология хезмәте аша ел саен биш меңгә якын пациент уза дип белдерде.

Михаил Мурашко һәм Радий Хәбиров шулай ук онкодиспансерның яңа корпусын төзүнең барышы белән таныштылар. Яңа тугыз катлы бинада 240 ятакка исәпләнгән стационар, сменасына 450 кешегә исәпләнгән поликлиника, лор-онкология, гинекология, урология, маммология бүлекләре, торакакабдоминаль бүлек урнашачак.

Чыганак: https://omet-rb.rbsmi.ru/

#национальныепроекты;#нацпроекты;#региональныепроекты;#регпроекты;#нацпроектыБашкортостан