“Башавтотранс” 55 яңа автобуслы булды

Башкортстан башлыгы Радий Хәбиров “Башавтотранс” республика пассажирлар ташу предприятиесе филиалларына кайтарылган автобуслар ачкычларын тапшырды. Навигация системалары, кондиционерлар белән баетылган “Вектор Некст” урта класслы 55 машинадан торган партия Уфаның иң нык таләп ителгән шәһәр маршрутларына чыгачак.Республика башлыгы яңа автобусларны пассажирлар өчен уңайлылык һәм хәвефсезлек җәһәтеннән чыгып бәяләде. Аннары ул “Башавтотранс” филиаллары хезмәткәрләренә дәүләт наградалары һәм кыйммәтле бүләкләр тапшырды.