Грант алачаклар

Башкортстанның мәктәпкәчә белем бирү оешмалары федераль казнадан грант откан.

Балалар бакчаларына килеп ирешәчәк гомум акчалар күләме 2,6 миллион сум тәшкил итә. Конкурста илнең 49 балалар бакчалары җиңеп чыккан, шуларның өчесе – Уфа шәһәреннән. Болар – башкаланың – 51нче, 209нчы һәм 225нче балалар бакчалары.

Акчалар мәктәпкәчә яшьтәге балалары булган әти-әниләргә ярдәм үзәкләре инфраструктурасын төзүгә юнәлдереләчәк. Русия Президенты Владимир Путин кушуы буенча эшләнгән “Мәгариф” милли проекты кысаларында эшләячәк Үзәкләр психологик-педагогик, диагностикалау, консультация ярдәме күрсәтү программаларын тормышка ашырачак. Консультация үзәкләренең төп максаты – әти-әниләргә ярдәм күрсәтү.

Чыганак: https://omet-rb.rbsmi.ru/

Фото: БИ.

#национальныепроекты;#нацпроекты;#региональныепроекты;#регпроекты;#нацпроектыБашкортостан