"Кызлар да хоккей уйный!» проекты - җиңүче!

Ил Президенты Владимир Путинның май указларын үтәү максатында гомумдәүләт проектларын тормышка ашыру буенча республикада бихисап эшләр башкарыла.

2020 елның 22-29 августында Владивостокта Ерак Көнчыгыш федераль университеты базасында «Көнчыгыш» Бөтенрусия яшьләр белем бирү форумының турыдан-туры этабы уза.

Быел форум ике форматта уза, 3-17 августта — «Көнчыгыш» махсус мәйданчыгында онлайн-форум, ә 22 августта рейтинг системасында иң күп балл җыйган бөтен Русиядән катнашучылар чараның офлайн-этабында катнашу өчен Ерак Көнчыгыш федераль университетына килде.

Форум кысаларында «Русия — мөмкинлекләр иле» ачык платформасына керүче Русия яшьләре яшьләр башлангычларының грант конкурсы узды. Яшь кешеләр бөтенрусия яшьләр проектлары конкурсы экспертлары каршында үзләренең социаль әһәмияттәге проектларын тәкъдим итә һәм аларны тормышка ашыру өчен 1,5 миллион сумга кадәр грант ярдәме ала алды. Бу - шәхси үз-үзеңне үстерүгә, проектларны тормышка ашыруга һәм Русия төбәкләренең социаль-икътисади үсешенә өлеш кертүгә юнәлтелгән өстәмә ярдәм.

Гаризалар кабул итү тәмамланганчы социаль проектлаштыру буенча 4 тематик вебинар, шулай ук ачык чыгышлар һәм проект гаризалары буенча консультацияләр сериясе үткәрелде. Барлыгы 87 гариза бирелгән, шуларның 64е халык алдында яклау өчен рөхсәт ителгән. Яшьләр башлангычларының грант конкурсы нәтиҗәләре буенча Русиянең 6 субъектыннан 18 кеше җиңүче булды, аларның гомум суммасы - 10 696 000 сум. Алар арасында Приморье һәм Хабаровск крайлары, Башкортстан, Амур, Курск һәм Мәскәү өлкәләре вәкилләре бар.

Грант ярдәме алуга тәкъдим ителгән проектлар арасында - Башкортстаннан Артур Нәдргуловның башлангычы да бар иде. Ул экспертлар алдында ул "Кызлар да хоккей уйный!» проектын яклады.

Фото: bashinform.ru

Чыганак: https://kiziltan.rbsmi.ru/

#национальныепроекты;#нацпроекты;#региональныепроекты;#регпроекты;#нацпроектыБашкортостан