Балалар белән өй ямьле

Соңгы елларда республикада күп бала табу модага кереп китте. Кайчандыр ике бала тбу белән чикләнсәләр, хәзер өченчесен, дүртенчесен дә теләп алып кайталар.

Башкортстан күпбалалы гаиләләр саны буенча Дагыстан, Чечен республикалары һәм Мәскәүдән генә калышып, ил буенча дүртенче урында тора. Бу хакта “Демография” милли проекты кысаларында оештырылган онлайн лекторийда катнашкан БР Гаилә һәм хезмәт министры урынбасары Анна Таболина белдерде.

–2005 елда икенче һәм аннан соң да бала табучылар саны 13% кына булса, хәзер бу сан 28% тәшкил итә. Пандемия бала табуга йогынты ясамас, демография күрсәткечләре кабат төшә башламас дип ышанабыз, – диде ул.