Бәләбәйдә сәламәтлек саклауга җитди игътибар бирелә

Бәләбәйдә тиздән Совет урамында магнит-резонанс томографиясе медицина үзәге ачылачак. Хәзер биредә төзелеш эшләре тәмамланып килә.

Бәләбәй районы хакимиятендә әлеге проектның «Кече һәм урта эшкуарлык һәм шәхси эшкуарлык башлангычына ярдәм» гомумдәүләт проекты кысаларында гамәлгә ашырылуы турында сөйләделәр. Бу - район җитәкчелеге тарафыннан «Эшкуарлык сәгате»ндә каралган һәм хупланган проектларның берсе.

Объектның әзерлеге бүгенге көнгә 95 процент тәшкил итә. Төп төзелеш һәм бизәү эшләре төгәлләнгән, барлык кирәкле коммуникацияләр китерелгән.

Заманча медицина җиһазлары белән тәэмин итү мәсьәләсе хәл ителде. Магнит-резонанс томографыннан тыш, монда шулай ук компьютер томографиясе аппараты да урнаштырылачак. Беренче пациентларны тикшерүне инде 2022 елның гыйнварында башларга планлаштырыла.

#национальныепроекты#нацпроекты#региональныепроекты#регпроекты#нацпроектыБашкортостан