-26 °С
Болытлы
Барлык яңалыклар
Новости
23 ноябрь 2021, 08:43

Башкортстан - карабодай уңышын мул җыючы төбәк

Русия Федерациясе Авыл хуҗалыгы министрлыгында карабодайны тулаем җыю буенча лидер төбәкләр арасында Башкортстанны атадылар.

Башкортстан - карабодай уңышын мул җыючы төбәк
Башкортстан - карабодай уңышын мул җыючы төбәк

Русия Федерациясе Авыл хуҗалыгы министрлыгында карабодайны тулаем җыю буенча лидер төбәкләр арасында Башкортстанны атадылар.

 
Ил аграрийлары 1 миллион тоннадан артык карабодай уңышы җыйган, бу узган елгы күрсәткечтән 66 мең тоннага артыграк. Русия Федерациясе Авыл хуҗалыгы министрлыгы фаразлары буенча, быел ярма культурасының тулай җыемы 2020 ел дәрәҗәсеннән артып китәчәк һәм эшкәртү предприятиеләрен тулы күләмдә тәэмин итәчәк.

Тулаем җыемның 75 проценты туры килә торган лидер төбәкләргә Башкортстан Республикасы, Алтай крае, Курск, Воронеж һәм Орел өлкәләре керә. Гомумән алганда, карабодай Русиянең 49 субъектында игелә. Федераль аграр ведомствода хәзерге вакытта Русиядә бу культураны җитештерү эчке базар ихтыяҗларын тулысынча каплый, дип ассызыклыйлар.

Башкортстан аграрийлары быел, корылыкка карамастан, карабодай уңышын мул җыеп алды. Агымдагы елда ярма культурасы үстерелгән 48 мең гектардан төбәкнең авыл хуҗалыгы җитештерүчеләре 35 мең тоннадан артык карабодай ашлыгы суктырды.

Бу - ил Президенты Владимир Путин тарафыннан булдырган "Авыл хуҗалыгы" гомумдәүләт проектының гамәлгә республикада нәтиҗәле ашырылуының бер дәлиле.

Фото:agriculture.bashkortostan.ru
 
Башкортстан - карабодай уңышын мул җыючы төбәк
Башкортстан - карабодай уңышын мул җыючы төбәк
Автор:
Читайте нас в