Урманнарны авиапатруль күзәтә

Янгын куркынычы чоры ачылыр алдыннан, кар катламы турындагы мәгълүматларны исәпкә алып, Башкортостанның Урман хуҗалыгы министрлыгы 9 һәм 10 апрельдә быел беренче тапкыр дәүләт урман фонды территорияләрен карап, очып узуны оештырды.

1567 километр озынлыктагы маршрутлар Башкортстанның көнчыгыш һәм көньяк-көнчыгыш өлешләрен колачлады.

- Кар катламы таулы җирләрдә: Бөрҗән, Зилаер, өлешчә Белорет һәм Учалы районнарында күп. Тигез урыннарда кар беткән, - ди республиканың урман янгыннары үзәгенең очучы-күзәтүчесе Урал Риянов.

Урман фондында янгыннарны булдырмау һәм табигый янгыннардан зыянны минимальләштерү эше «Экология» гомумдәүләт проекты кысаларында «Урманнарны саклау» федераль проектының максатчан күрсәткечләреннән чыгып алып барыла.

Фото: pibig.info