“Курай” ишекләрен ачты

Моңа кадәр балаларны Сәвәләй һәм Олы күл авылларындагы бакчаларга йөрттеләр. Хәзер әти-әниләргә эш җиңеләйде.

Авыл халкы шатлыгын уртаклашырга район хакимияте башлыгы Әлфир Сабиров, мәгариф бүлеге җитәкчесе Андрей Матвеев һәм башка кунаклар килде. Алар әти-әниләрне дә, нәниләрне дә шатлыклы вакыйга белән котлады.
Яңа бакчада барлык уңайлы шартлар бар —уен бүлмәсе, ял урыны, санитар бүлмә, өр-яңа җиһазлар, чагу уенчыклар. Кызлар һәм малайлар боларның барысын да бик ошатты. Нәниләр өчен күңел ачу программасы да оештырылды.

Фото: ru.dreamstime.com

Чыганак: https://kiziltan.ru/