“Гаилә фермасы” грантларына проектларны яклау башланды

3 көн дәвамында төбәкнең барлык почмакларыннан 34 фермер хуҗалыкларны үстерү буенча үз проектларын яклаячак. Агымдагы елда әлеге юнәлеш буенча грант ярдәме лимиты республикада 230,2 миллион сум тәшкил итә.

- Үз хуҗалыкларын үстерергә әзер булган фермерлар “Гаилә фермасы” грантларына дәгъва кыла, - ди республика Хөкүмәте Премьер-министры урынбасары, авыл хуҗалыгы министры Илшат Фазрахманов. - Без авыл хуҗалыгы продукциясен җитештерүне һәм эшкәртүне үстерергә теләгән фермерлык хуҗалыкларына зур өметләр баглыйбыз. Конкурста җиңүчеләр үз планнарын уңышлы тормышка ашыра алырлар һәм бу республикада азык-төлек продуктлары җитештерүне үстерүгә ярдәм итәр дип ышанам.

Гаилә фермасын үстерүгә грант крестьян (фермер) хуҗалыкларына һәм шәхси эшкуарларга 30 миллион сумнан артык булмаган күләмдә бирелә, әмма дәгъвачы проекты йомгаклау бәясенең 60 проценттан артыгы түгел.

Фото: bash.news

Чыганак:https://kiziltan.ru/