+18 °С
Болытлы
Барлык яңалыклар
Новости
9 июнь 2022, 10:06

Хәния Фәрхи исемендәге конкурста кемнәр җиңде?

Иглин район Мәдәният йорты вокалчысы Ләйсән Хәлиуллина “Мәдәният” гомумдәүләт проекты кысаларында үткәрелүче Хәния Фәрхи исемендәге “Онытылыр димә” I Халыкара башкорт һәм татар җырларын башкаручыларның фестиваль-конкурсында III урын яулады. Иҗади бәйге Югары Тәтешле авылында узды.

Хәния Фәрхи исемендәге конкурста кемнәр җиңде?
Хәния Фәрхи исемендәге конкурста кемнәр җиңде?

Иҗади ярыш популяр җырчы, актриса, композитор, Татарстан Республикасының халык артисты Хәния Фәрхинең кече ватанында узды. Анда Русиянең төрле төбәкләреннән 128 конкурсант катнашты. Конкурсны оештыручылар – Башкортстан Мәдәният министрлыгы, Тәтешле районы хакимияте, Хәния Фәрхи исемендәге концерт агентлыгы.

Конкурста катнашучылар яраткан җырчы репертуарыннан төрле җырлар башкарды. Җиңүчеләр һәм призерлар ике юнәлеш һәм яшь категорияләре буенча билгеләнде. Ләйсән Хәлиуллина профессиональ башкаручылар арасында 20-35 яшькә кадәр категориядә өченче урынны алды. Ләйсән Хәния Фәрхи репертуарыннан «Сине көтәм, газиз балам» җырын башкарды.

Фото: srk.nationalpriority.ru

 

Чыганак: https://kiziltan.ru/

Хәния Фәрхи исемендәге конкурста кемнәр җиңде?
Хәния Фәрхи исемендәге конкурста кемнәр җиңде?
Автор:
Читайте нас: