+18 °С
Болытлы
Барлык яңалыклар
Новости
7 июль 2022, 09:11

Грант - 500 мең сумга кадәр!

Башкортстанда яшь эшкуарлар бизнесны үстерүгә ярты миллион сумга кадәр акча алалачак.

Грант - 500 мең сумга кадәр!
Грант - 500 мең сумга кадәр!

Бизнес-проектны гамәлгә ашыру өчен 100 меңнән 500 мең сумга кадәр грантларны 25 яшькә кадәр эшкуарлар алала. Акчалар конкурс нигезендә гамәлдәге шәхси эшкуарларга һәм юридик берәмлекләргә бирелә, бу очракта яшь кеше компаниянең 50 проценттан артык өлешенә ия булырга тиеш. Башкортстанда бу чара “Кече һәм урта эшкуарлык һәм индивидуаль эшкуарлык башлангычларына ярдәм итү” гомумдәүләт проектын гамәлгә ашыру ярдәмендә тормышка ашырыла башлады.

– Шул рәвешле без яшьләргә һәм аларның эшкуарлык эшчәнлегенә ярдәм итәргә исәп тотабыз. Грант алуга конкурста катнашу шартлары гади: эшкуарлык нигезләрен өйрәнү турында сертификат, проект бәясенең 25 проценты күләмендә үз акчасы һәм килешү төзү өчен электрон санлы имза кирәк булачак. Шулай ук грант алучы эшчәнлеген саклап калырга һәм министрлыкка өч ел дәвамында хисап тотарга тиеш булачак, – дип билгеләп үтте Башкортстанның эшкуарлык һәм туризм министры Рөстәм Афзалов.

“Яшьләр эшкуарлыгы” юнәлеше буенча укытуны Башкортстан Республикасының “Минем бизнес” үзәге үткәрә. Гаризалар 15 июльгә кадәр кабул ителә, https://investrb.ru/ru/press-center/event/obrazovatelnaya-programma-molodezhnoe-predprinimatelstvo-/ сылтамасы буенча язылырга мөмкин. Курсны тәмамлау нәтиҗәләре буенча бирелә торган сертификатның гамәлдә булу срогы бер ел тәшкил итә. Конкурска шулай ук Кече һәм урта эшкуарлык корпорациясенең “Эшкуар әлифбасы” яки “Эшкуар мәктәбе” белем бирү программалары буенча алынган сертификатлар кабул ителә.

Конкурска гаризалар кабул итү башлануы турында белдерү Эшкуарлык һәм туризм министрлыгы сайтында урнаштырылачак. Документлар Башкортстан Республикасы Эшкуарлык һәм туризм министрлыгында кабул ителәчәк. Белешмәләр өчен телефоннар: 8 (347) 218-08-26, 218-12-58.

Автор:Резида Валитова
 
Чыганак: https://kiziltan.ru/
Грант - 500 мең сумга кадәр!
Грант - 500 мең сумга кадәр!
Автор:
Читайте нас: