Чакмагышта спортны яраталар!

Июнь аенда «Мәгариф» гомумдәүләт проектын тормышка ашыру кысаларында Башкортстанның Чакмагыш авылы мәктәбе спорт җиһазлары алды.

Спорт инвентарьлары белән җиһазландыру ачык спорт корылмасын тулысынча файдалану мөмкинлеге бирәчәк.

- Авыл җирлегендәге мәктәпләрдә физик культура һәм спорт белән шөгыльләнү өчен шартлар тудыру үсеп килүче буынның кызыксынуын күтәрергә, сәламәт яшәү рәвеше алып барырга, сәләтле балаларны ачыклау һәм аларга ярдәм итү системасын формалаштырырга ярдәм итәчәк. Бу проект һәр балага яңа уңышларга башлангыч бирер дип өметләнәбез, - дип билгеләп үтте Чакмагыш районы хакимиятенең мәгариф бүлеге начальнигы Мәнзүрә Нәбиева.

Шуны да билгеләп үтәргә кирәк: республикада «Һәр баланың уңышы» проектын гамәлгә ашыру нәтиҗәсендә мәктәптә балаларның һәрьяклап үсеше өчен барлык шартлар да тудырыла.

Фото: Чакмагыш районы хакимияте сайтыннан.